Replies to This Discussion

Permalink Reply by आशीष यादव on February 13, 2011 at 10:02pm

बड़ा सुघर  गीत , संयोग  श्रींगार के बढ़िया कहानी|

Permalink Reply by Rajeev Kumar Pandey on February 13, 2011 at 6:58pm

गर्व से सारा दुनिया में भोजपुरिया कहावल जाव ...... 

---------------------------------------------------------------------------

जय  भोजपुरी जय भोजपुरिया,सबके हम  बोलावत  बानी ,  

स्वर्णिम  बा इतिहास आपन ई सबका के  बतावत बानी ,

 

 नालंदा के  धरती  के पुकार  आज  रऊआ सबके  सुनावत  बानी,    

बाबा   गोरखनाथ के   बुलावा आज सबके हम   सुनावत  बानी,  

  

लखनऊ के शाम से लेके,पटना के भी नाम के लेके ,

मारीशस के धरती पर बानी या बीजी बानी दुबई में कौनो काम  के  लेके ,  

 

सबके आज हम नेवता एक पेठावत बानी ,

भोजपुरिया धरती के एक निमंत्रण सबके हम पहुँचावत  बानी ,

  

एह धरती के जन्म के रऊआ एगो कर्ज   चुका दीं

आज रऊआ भोजपुरी पे आइल कलंकित आंच  बुझा दीं ,

  

 भोजपुरी के जे बा दुश्मन  ओकरा के रऊआ आज बता दीं

आज रऊआ माँ समान एह भाषा के लाज बचा दीं ,

  

 आरा और छपरा से होके , बलिया और चंपारण लेके 

बेतिया , बक्सर , पडरौना से , सब ओर से कौनो कारण लेके ,

 

सबके साथ- साथ में आज आगे आवे के होई

धन, धर्मं जाति के बंधन आज सबके मिटावेके होई ,

    

कब तक राजेंद्र बाबु धरती के लाल सुतल रहिहें ?

कब तक  वीर   कुवंर के धरती के सपूत सुतल रहिहें ?

  

 अभी  जिन्दा बानी जा ऐ भोजपुरिया माटी के सपूत आज सबके बतावे के बा,

हर गलत  ऊँगली जवन  उठल  बा ऐ संस्कृति पर सबके काट   गिरावे के बा ,

  

 आज भिखारी ठाकुर के भोजपुरी के लाज बचावे के बा,

आज सारा विश्व के भोजपुरिया के एक साथ कदम बढ़ावे के बा,

 

जे गोपालगंज , सिवान , छपरा से बा, ओकरो आगे आवे के होई

लुधियाना,  दिल्ली  , सूरत और मुंबई  से भी लोग के बुलावे के होई .

  

केहू मजदुर बा त केहू आई एस आफिसर बा ,

केहू  इंजिनियर त केहू वेल्डर ,  केहू फीटर बा

 

 आज सबका एक साथ कदम मिला के चले के परी ,

अपना संस्कृति के खातिर सबके साथ आज निकले  के परी ,

  

कब अक हमनी के माई- बहिन अपना कान पर हाथ  रखिहें ?

कब तक भोजपुरी के तरफ सब लोग नफरत से तकिहें ?

  

कब तक   द्विअर्थी गीतन पर नंगा नाच चलत रही ?

कब तक लोग अपना के बिहार आ यु पी  के कहला से बचत रही  ?

  

डाक्टर बानी , इंजिनियर बानी और रऊआ आई एस ऑफिसर बानी

रऊआ भी ऐ धरती के लाल बानी रऊआ नाही दुसर तीसर बानी.

 

आई सब लोग मिल के दुनिया के दिखावल  जाव

थोडा सा सुतल रहनी जा जरूर, मरल नाही, ई सबके सिखावल  जाव ,

 

आंख निकाल लियाई , हाथ काट दिहल जाई अगर इरादा नापाक होई,

 एक बार फिर से हमरा ऐ भोजपुरी धरती माई के आँचल साफ होई ,

  

सब लोग आयीं एक साथ मिलके प्रेम के दीपक जलावल जाव

जय भोजपुरी ,जय भोजपुरी के नारा लगावल जाव

भोजपुरी संस्कृति के प्रति आपन सर झुकावल जाव

गर्व से सारा दुनिया में भोजपुरिया कहावल जाव ......  

 

राजीव कुमार  पाण्डेय

मुख्य प्रबंधकPermalink Reply by Er. Ganesh Jee "Bagi" on February 13, 2011 at 7:53pm

आँख खोले वाला अउर सुतल लोगन के जगावे वाला इ गीत बा राउर , बेहद खुबसूरत कथन से परिपूर्ण अउर खून में उबाल लावे मे समर्थ बा इ रचना ,

कब अक हमनी के माई- बहिन अपना कान पर हाथ  रखिहें ?

कब तक भोजपुरी के तरफ सब लोग नफरत से तकिहें ?

बहुत बरियार रउआ बात उठवले बानी , सब भोजपुरिया लोग के विचार करे के पड़ी आ अश्लील फिलिम अउर गीतन के विरोध अउर बहिष्कार करे के पड़ी |

आज भोजपुरी पर लोग आँख नाक सिकोड़ेला कारण इहे अश्लीलता बा , इ कोढ़ के निकाल बाहर कईला के जरूरत बा , हमनी के ओपन बुक्स ऑनलाइन परिवार कबो अइसन कुल चीजन के प्रश्रय ना देहनी जा अउर ना देवल जाई |

बहुत ही बरियार प्रस्तुति बा इ राउर , बधाई स्वीकार करी |

प्रणाम भोजपुरी

Permalink Reply by आशीष यादव on February 13, 2011 at 8:20pm

राजीव भैया, एकदम झाकाश बात लिखलें बानी|  बहुत सुन्दर रचना आ एकदम उत्साह से लबालब भरल बा|
इहे ना भैया आप जेवन भिज्पुरी के बिगरत बाडन सन उन्हानो के सचेत कईले बानी|

कब तक   द्विअर्थी गीतन पर नंगा नाच चलत रही ?

कब तक लोग अपना के बिहार आ यु पी  के कहला से बचत रही  ?

एह बात पर त हमहू राउर साथे बानी की

आंख निकाल लियाई , हाथ काट दिहल जाई अगर इरादा नापाक होई,

 एक बार फिर से हमरा ऐ भोजपुरी धरती माई के आँचल साफ होई ,

जबरदस्त रचना खातिर बधाई देत बानी|

Permalink Reply by Rajeev Kumar Pandey on February 13, 2011 at 9:24pm

hridya se dhnywaadi bani bhiaya hum raur

Permalink Reply by आशीष यादव on February 13, 2011 at 8:11pm

काहें लागल तोहसे सनेह, ए गोरी एह पापी संसार में|

हमनी के प्यार के न बुझलस ज़माना,
बाड़े जवन प्यार के हो दुश्मन पुराना|-
उडी परान छोड़ के देह, ए गोरी एह पापी संसार में|
काहें लागल तोहसे सनेह, ए गोरी एह पापी संसार में|

धधक-धधक जाले हियरा के अगिया,
जब याद आवे हमके तोहरो सुरतिया|-
आतमा हो जाले विदेह, ए गोरी एह पापी संसार में|
काहें लागल तोहसे सनेह, ए गोरी एह पापी संसार में|

कईसे के दिहल तोहार चिट्ठी जरा दीं,
जा के कईसे दरिया में फोटो बहा दीं|-
कईसे मिटा दीं तोहसे नेह, ए गोरी एह पापी संसार में|
काहें लागल तोहसे सनेह, ए गोरी एह पापी संसार में|

भलहीं तू हमके न दिल से भुलईहा,
बाकी अपना सजना के घरवा सजईहा|-
रखिहा लगा के उनसे नेह, ए गोरी एह पापी संसार में|
काहें लागल तोहसे सनेह, ए गोरी एह पापी संसार में|

आशीष यादव
लखनऊ,गाजीपुर

मुख्य प्रबंधकPermalink Reply by Er. Ganesh Jee "Bagi" on February 13, 2011 at 8:34pm

वोहो का बात बा आशीष, बहुत तगड़ा रचना ,

भलहीं तू हमके न दिल से भुलईहा,
बाकी अपना सजना के घरवा सजईहा|-
रखिहा लगा के उनसे नेह, ए गोरी एह पापी संसार में |

 

एही के कहल जाला त्याग, अउर त्याग के ही दोसर नाव ह सच्चा प्यार, बेहद खुबसूरत रचना अउर ओतना ही बरियार सनेस , बहुत बहुत धन्यवाद बा एह प्रस्तुति पर अउर हमार बधाई स्वीकार करी , साथ में हमार आशीर्वाद बा की राउर लेखनी ऐसही चलत रहो |

जय हो , प्रणाम भोजपुरी !

Permalink Reply by आशीष यादव on February 13, 2011 at 9:20pm

ई त आप लोगन के आशीष के फल बा की हम "आशीष" कुछ लिख लेत बानी| आप लोग आपन नेह बना के रखी हमार ऊपर|
राउर के हमार  रचना पसंद आइल हम धन्य हो गईलिन|

Permalink Reply by Rajeev Kumar Pandey on February 13, 2011 at 9:54pm

हम ना आएब :- भगवान के कथन

हम ना आएब ,
आखिर काहें आएब हम ,
केकरा-केकरा के समझायेब हम,
केकरा के न्याय के बात बताएब हम,
केकरा के शांति के पाठ पढायेब हम,

दू भाई के तांडव नृत्य
देखत रही जाएब हम ,
का एही खातिर आएब हम ,
केकर शांति दूत बन के जाएब
का भगवान वाला आपन छवि
खुद बचा पाएब हम ???

हम कौना-कौना रावण के मार गिरायेब
कौना- कौना कंस के मौत के नींद सुलायेब ?
अब शांति संदेस कहाँ सुनायेब ?
कौना कौना दुर्योधन के पास जाएब ?
का खुद बिना स्वार्थ के रह पाएब ????

जब चारू ओर हो रहल होखे चीर हरन ,
पुकारत होखसन द्रौपदी सब ,
हम कौना-कौना कौरव दरबार में जाएब ,
केकर केकर लाज बचायेब हम ,
जब चारो ओर मचल बा चीख पुकार,
का कौनो द्रौपदी के पुकार सुन पाएब हम ,

आखिर इतना वस्त्र -वसन कहा से लायेब हम ,
बहिर- गूंगा दर्शक बन के देखत रही जाएब हम ,
एहिसे सोचतानी नाही आएब हम ,
काहे से कि लूटत-बिलखत ऐ मानवता के ,
बचा ना पाएब हम , हाँ बचा ना पाएब हम ..

राजीव कुमार पाण्डेय
गोपालगंज , बिहार

Permalink Reply by आशीष यादव on February 13, 2011 at 10:11pm

raajiv bhaiya aaj ki samaaj aa kukarm pe bhagwaan ke muh se bolwaawal kathan aap ke bilkul sahi ba|

rachna sunder banal ba|

badhai swikaari.

मुख्य प्रबंधकPermalink Reply by Er. Ganesh Jee "Bagi" on February 13, 2011 at 11:05pm

बहुत ही बरियार रचना , हमरा लागत बा की अब तक कवि सम्मेलन में पढ़ल गईल कुल प्रस्तुति में सबसे बेहतरीन प्रस्तुति | भगवान भी डेरा गईलन एह कलयुग में , जय हो प्रभु , कईसे अब इ नईया पार होई |

बहुत बहुत बधाई एह बरियार रचना खातिर |  

Permalink Reply by Rajeev Kumar Pandey on February 13, 2011 at 9:56pm

रऊआ काहे इतना गुरुर में रहीले

रऊआ काहे इतना गुरुर में रहीले
जब हम जागिले परेसान होके,

रऊआ चैन से सोइले
पर इ जान लीं कि कुछ लोग बा,

जे हमके पावे खातिर,

आपन सारा नींद खोवेला.
हमार एक झलक पावे खातिर,

उ दिन रात रोवेला,
कही अईसन ना होके जे,

हम हमेसा खातिर अब चैन से सो जायीं
और रऊआ सारी उमर खातिर,

बेचैन से हो जायीं .........

• ‹ Previous
• 1
• …
• 15
• 16
• 17
• 18
• Next ›
• Page