तोहरा बिना पिया हो दुनिया बेकार बा ,
आजा तू परदेसी जे हमारा से प्यार बा ,
फागुन बितल रंग ना चढ़ल हमरा ऊपर ,
लागत बा की रंगवा के तोहरे इंतजार बा ,
चइत आइल बगिया में आम मोजराइल ,
हमरा मन के टिकोराह के राउर दरकार बा ,
बईसाख आइल आउर सब लोग बऊराइल ,
हम कईसे बऊराइ राउरे से सोरकार बा ,
जेठ के गर्मी पिया जिया के जरावे ला ,
कईसे बुझाई इ खोजत राउर बेयार बा ,
आसाढ़ आइल मन में आशा इ जागल ,
आइहे बलमुआ मन में इहे खुमार बा ,
सावन आइल रिम झिम लेके फुहार हो ,
बलमा तू आजा अब बीतात बहार बा ,
भादो बरिसल भर गइल अंगना दुआर हो ,
समझ में ना आवेला का मन में तोहार बा ,
कुआर आइल शिव के जल हम चढ़ावानी ,
अब उनकरे में लागल मन हमार बा ,
कातिक महिना बालम छठ लेके आइल ,
रात में कोशी खातिर तोहार दरकार बा ,
अगहन आइल बालम धान अब कटाइल ,
आव बांधे झारे के काम इ तोहार बा ,
पूश के ठंढा बलमा अंग सिहरावे ला ,
ना बालम आइबा ता जवानी बेकार बा ,
माघ के ठंढा में कसम खाई कही ले ,
भगवन में रम जाइब अब ना दरकार बा ,