पालपोस के बड़का कईनी ,
हम इ गजब का कर देहनी ,
दहेज ज्वाला में जलत बनी ,
जनमते कहे ना मुआ देहनी ,
सोचनी बेटी आउर बेटा में ,
अब कवनो अंतर नइखे ,
खुबे पढ़ावनी औकात से बेसी ,
उनका के सी एस कर देनी ,
घुमात बनी जात में आपना ,
हम इ गजब का कर देहनी ,
बेटी के आमद अच्छा बाटे ,
चाहे लाईका बोक्का बाटे ,
मांग दहेज के खुबे होता ,
संग में चाही चाँदी के लोटा ,
बाहुआ आई खूब पढ़ल लिखल ,
ओकरा खातिर कार मांगता ,
रह ना पाई उ नार्मल घर में ,
एसी भी चाही इहो सुनाता ,
हमरा मन बात एगो आइल ,
लाईका पक्छ के सामने धराइल ,
राउआ के हम सब कुछ देहब ,
कार का संग में सोना देहब ,
इ राउआ बोंड करे के पड़ी ,
बेटी जवन हामार कमाई ,
उ हमके राउआ देबे के पारी ,
जोड़े लागले हिसाब उहो ,
सब एक बारिस में आ जाई ,
कहले फ्री में शादी करब ,
राउआ दिही जवन बुझाई ,
पाहिले सोचनी ना कर दिही ,
मज़बूरी में हा कर देहनी ,
अब लागत बाटे भाई हमारा ,
पढ़ा के काम हम अच्छा कईनी ,