"सुलगता रहा इक शरर धीरे धीरे जलाता रहा वो ये घर धीरे धीरे
मचाया हवाओं ने कुहराम ऐसा गिरा टूट कर हर…"
"ओ बी ओ भोजपुरी काव्य प्रतियोगिता" अंक-1
भोजपुरी साहित्य प्रेमी लोगन के सादर प्रणाम,
जइसन कि रउआ लोगन के खूब मालूम बा, ओपन बुक्स ऑनलाइन परिवार अपना सुरुआते से साहित्य-समर्थन आ साहित्य-लेखन के प्रोत्साहित कर रहल बा ।
एही कड़ी में भोजपुरी साहित्य-लेखन विशेष क के काव्य-लेखन के प्रोत्साहित करे के उद्येश्य से रउआ सभ के सोझा एगो अनूठा आ अंतरजाल प भोजपुरी-साहित्य के क्षेत्र में अपना तरहा के एकलउता लाइव कार्यक्रम ले के आ रहल बा जवना के नाम बा "ओबीओ भोजपुरी काव्य प्रतियोगिता"
तीन दिन चले वाली ई ऑनलाइन प्रतियोगिता तिमाही होखी, जवना खातिर एगो विषय भा शीर्षक दिहल जाई । एही आधार प भोजपुरी भाषा में पद्य-रचना करे के होखी । एह काव्य प्रतियोगिता में रउआ सभे अंतरजाल के माध्यम से ऑनलाइन भाग ले सकत बानी अउर आपन भोजपुरी पद्य-रचना के लाइव प्रस्तुत क सकत बानी । साथहीं, प्रतिभागियन के रचना पर आपन मंतव्य दे सकत बानीं भा निकहा सार्थक टिप्पणी क सकत बानी |
जे सदस्य प्रतियोगिता से अलग रह के आपन रचना प्रस्तुत कईल चाहत बाड़े, उनुकरो स्वागत बा, आपन रचना "प्रतियोगिता से अलगा" लिख के प्रस्तुत कर सकेलें |
पहली प्रतियोगिता के विषय : "आपन देस"
अवधि : प्रतियोगिता दिनांक 24 जनवरी बियफे (गुरूवार) लागते सुरु होखी आ 26 जनवरी दिन शनिचर के रात 12 बजे ख़तम हो जाई ।
पुरस्कार :
त्रि-सदस्यीय निर्णायक मण्डल के निर्णय के आधार प विजेता रचनाकारन के नाँव के घोसना कइल जाई ।
प्रथम - रु 1001/- अउर प्रमाण पत्र
द्वितीय - रु 551/-अउर प्रमाण पत्र
तृतीय - रु 501/-अउर प्रमाण पत्र
पुरस्कार राशि (भारत में भुगतेय चेक / ड्राफ्ट द्वारा) अउर प्रमाण पत्र, खलिहा भारत के पता प भेजल जाई ।
पुरस्कार के प्रायोजक
(1) Ghrix Technologies (Pvt) Limited, Mohali
A leading software development Company
(2) गोल्डेन बैंड इंटरटेनमेंट (G-Band)
(A leading music company)
H.O.F-315, Mahipal Pur-Ext. New Delhi.
नियम
1- रचना भोजपुरी भाषा में होखे के चाहीं |
2- रचना के कथ्य आ लिहाज अइसन होखे जे सपरिवार पढ़ल आ सुनल जा सके ।
3- रचना "मौलिक आ अप्रकाशित" होखे के चाहीं । माने रचना केहू दोसर के ना आपन लिखल होखे अउर रचना कवनो वेब साईट चाहे ब्लॉग पर पहिलहीं से प्रकाशित नत होखे ।
4- प्रतिभागी कवि आपन रचना काव्य के कवनो विधा में अधिका से अधिका कुल तीन हाली दे सकत बाड़न । ध्यान अतने राखे के बा जे रचना के स्तर बनल रहे । माने अधिका लिखे का फेरा में रचना के गुणवत्ता ख़राब नत होखे |
5- बेकार अउर नियम विरुद्ध रचना बिना कवनो कारण बतवले मंच संचालक / ओबीओ प्रबंधन दल द्वारा हटावल जा सकेला ।
6- अबही Reply बॉक्स बंद रही जवन ठीक कार्यक्रम प्रारंभ होत यानी तारीख 24 जनौरी लागते खोल दियाई अउर 26 जनौरी खतम भइला प बंद क दीहल जाई |
7- अगर रउआ कवनो कारने आपन रचना समय से पोस्ट करे में असमर्थ बानीं त आपन रचना ई-मेल के जरिये admin@openbooksonline.com पर भेज दिहीं | राउर रचना एडमिन OBO का ओर से राउर नाँवें पोस्ट क दीहल जाई । ओइसे कोशिश ईहे करीं जे राउर रचना रउए पोस्ट करीं । ई सुविधा खलसा ओबीओ सदस्य लोगन खातिर बा ।
8- जौन रउआ अबहीं ले ओपन बुक्स ऑनलाइन परिवार से नईखी जुड़ल त www.openbooksonline.com पर जाके sign up कइ OBO के मुफ्त सदस्यता ले लिहीं आ भोजपुरी साहित्य समूह के ज्वाइन करीं |
9- अधिका जानकारी खातिर रउआ मुख्य-प्रबंधक के ई-मेल admin@openbooksonline.com पर मेल करीं । चाहे मोबाइल नंबर 09431288405 पर संपर्क क सकत बानीं |
मंच संचालक
सतीश मापतपुरी
(प्रबंधक भोजपुरी साहित्य समूह)
ओपन बुक्स ऑनलाइन डॉट कॉम
Views: 10314
Replies are closed for this discussion.
Replies to This Discussion
-
Permalink Reply by Prabhakar Pandey on
-
बहुते सुन्नर रचना खातिर साधुवाद।।
-
-
सदस्य टीम प्रबंधनPermalink Reply by Saurabh Pandey on -
आदरणीय प्रदीपजी, अद्भुत ! बहुत सुन्दर रचना खातिर हम दिल से बधाई दे रहल बानीं.
बालापन के संगी साथी रहिले
किस्सा कहानी मिल संग बुझइले
बीते रात कबे हो जाएल भोरलइकाईं में जीयल देसवा के कतना रुमानी इयादि रउआ पारि रहल बानीं कि मन मग्न हो गइल बा.
छूट गईले मोरे नैहरवा
जाई बसल अपने पीहरवा
ना छूटल प्रेमवा की डोरआह-आह ! का नीमन पंक्ति भइल बा.
दिल से लीखल रचना के दिल से बधाई.. .
-
-
Permalink Reply by satish mapatpuri on
-
आपन देस क बखान अउरी परदेस से देस लवटे क निहोरा ..... इ रचना में चार चान लगा देले बा प्रदीप जी . राउर जज़्बा के सलाम करत बानी .
-
-
सदस्य कार्यकारिणीPermalink Reply by rajesh kumari on -
बहुत सुन्दर गीत बधाई आदरणीय प्रदीप जी
-
-
सदस्य टीम प्रबंधनPermalink Reply by Dr.Prachi Singh on -
अपने गाँव देश से सुदूर एकाकी हो जाने पर कैसे मन ही मन देश बुलाता है, उसका सुन्दर शब्द चित्र आ. प्रदीप जी. सदर बधाई
-
-
Permalink Reply by Brij bhushan choubey on
-
बहुत ही सुघर गीत कवी जी ..बधाई ।
-
-
-
कहवाँ बिला गइल हमार देशवा
आजु लोग किरकेट, टीबी में अझुराइल
गरीब-गुरुबा सब महँगाई में पेराइल
चोर, उचक्का, भस्टाचारी काटे मलवा
कहवाँ बिला गइल हमार देशवा।
भजन, अजान कहाँ केहू गावता
गीता, कुरान अब काहाँ भावता
चारू ओर छा गइल फिलिम गीतवा
कहवाँ बिला गइल हमार देशवा।
देस पर गुमान ना अपनी पर गुमान बा
आजु हमार देस, अपनन से परेसान बा
असांति के माहौल बा छा गइल मितवा
कहवाँ बिला गइल हमार देशवा।
देस की विकास में इ कवन दौर आइल
ए विकास में गरीब-गुरबे खूब पिसाइल
गाँधीजी के सपना ना भइल साकार बबुआ
कहवाँ बिला गइल हमार देशवा।
आजु लोग-लइका माई-बाप के कदरो ना देता
गरभ में ही लोग माई, लक्ष्मी के जान लेता
माई भारती की नैनन से चुवे अँसुवा
कहवाँ बिला गइल हमार देशवा।
कहवाँ बिला गइल हमार देशवा।।
(ए प्रतियोगिता से सबसे बड़हन फायदा हमरी जइसन अकबि लोगन के होई..काहें की ओ लोगन के आपन कबिता सुनवले की साथे ही कवि लोगन के मार्गदर्शन भी मिली।। ओबीओ परिवार बहुत-बहुत धन्यवाद के पात्र बा।। सादर।।)
-
-
मुख्य प्रबंधकPermalink Reply by Er. Ganesh Jee "Bagi" on -
का हो भईया, अबो कहबा कि अकवि के लिखल ह , अइसन कहबs त फेर कवि केके कहल जाई, देस के हकीक़त एह रचना में साफ़ साफ़ लउकत बा, एकदम से सांच बात रख दिहनी रउआ, हमरा बहुते निक लागल |
ओ बी ओ पर इंटरैक्टिव कार्यक्रम के इहे उद्देश्य होला कि हमनी के एक दोसरा के अनुभव आउर ज्ञान के फायदा मिलो, सराहना खातिर आभार आउर एह खुबसूरत रचना पर बधाई सवीकार करी |
-
-
-
भाई गनेसजी (गणेशजी)। सादर धन्यवाद रचना के सराहे खातिर।।
-
-
सदस्य टीम प्रबंधनPermalink Reply by Saurabh Pandey on -
भाई प्रभाकरजी, अपना देस के हाल-फिलहाल के समस्या प राउर प्रस्तुति लेखन लिहाज से नीमन बा. रउआ लीखतो खा झूमि-झूमि गवले होखब. बस, पंक्ति में शब्दन के मात्रा के अनुसार बइठावत जाईं. भाईजी, रउआ में बहुते संभावना लउक रहल बा. आ, अपना के अब से अकवि नत कहीं. इहँवाँ अकवि जब रउआ बानीं, त कवि-कोबिद बा के ?.. . हा हा हा.. .
मंच प बनल रहीं आ वेयौहार बनवले रहीं.
जय हो
-
-
-
लेखनी के सराहे खातिर सादर धन्यवाद बा राउर।।
-
-
-
भजन, अजान कहाँ केहू गावता
गीता, कुरान अब काहाँ भावता
चारू ओर छा गइल फिलिम गीतवा
कहवाँ बिला गइल हमार देशवा।
बहुते नीमन प्रभाकर जी ....... रउवा से त बहुते पुरान आम दरख बा ..... एही कहे चाहत बानी कि
भजन, अजान कहाँ केहू गावता
गीता, कुरान अब काहाँ भावता
चारू ओर छा गइल फिलिम के गीतवा
कहवाँ बिला गइल देसवा ए मितवा ...... इहे होखे चाही , इ कवनो जरुरी नइखे भाई जी ....... रउवा जबुन लागल होखे त दसो नोंह जोड़ के माफ़ी मांगत बानी .
-
कृपया ध्यान दे...
आवश्यक सूचना:-
1-सभी सदस्यों से अनुरोध है कि कृपया मौलिक व अप्रकाशित रचना ही पोस्ट करें,पूर्व प्रकाशित रचनाओं का अनुमोदन नही किया जायेगा, रचना के अंत में "मौलिक व अप्रकाशित" लिखना अनिवार्य है । अधिक जानकारी हेतु नियम देखे
2-ओपन बुक्स ऑनलाइन परिवार यदि आपको अच्छा लगा तो अपने मित्रो और शुभचिंतको को इस परिवार से जोड़ने हेतु यहाँ क्लिक कर आमंत्रण भेजे |
3-यदि आप अपने ओ बी ओ पर विडियो, फोटो या चैट सुविधा का लाभ नहीं ले पा रहे हो तो आप अपने सिस्टम पर फ्लैश प्लयेर यहाँ क्लिक कर डाउनलोड करे और फिर रन करा दे |
4-OBO नि:शुल्क विज्ञापन योजना (अधिक जानकारी हेतु क्लिक करे)
5-"सुझाव एवं शिकायत" दर्ज करने हेतु यहाँ क्लिक करे |
Latest Blogs
Latest Activity
- Top News
- Everything
"रदीफ़ क़ाफ़िया में तो ऐसा कोई बंधन नहीं है इसलिये आपका प्रश्न स्पष्ट नहीं है। "
"नमस्कारक्या तरही मिसरे में लिंग अनुसार बदलाव करसकते हैंक्यूंकि उसे मैं अपने अनुसार प्रयोग…"
"यह तरही के लिए है या पृथक से?"
सदस्य कार्यकारिणीगिरिराज भंडारी posted a blog post
ग़ज़ल -मुझे दूसरी का पता नहीं ( गिरिराज भंडारी )
११२१२ ११२१२ ११२१२ ११२१२ मुझे दूसरी का पता नहीं ***********************तुझे है पता तो…See More
सदस्य कार्यकारिणीगिरिराज भंडारी commented on Ravi Shukla's blog post तरही ग़ज़ल
"आदरणीय रवि भाई , वाह ! बहुत बढ़िया ग़ज़ल कही है , दिली बधाई स्वीकार करें "
सदस्य कार्यकारिणीगिरिराज भंडारी commented on Nilesh Shevgaonkar's blog post ग़ज़ल नूर की - सुनाने जैसी कोई दास्ताँ नहीं हूँ मैं
"आदरणीय निलेश भाई हमेशा की तरह अच्छी ग़ज़ल हुई है, हार्दिक बधाई वीकार…"
सदस्य कार्यकारिणीगिरिराज भंडारी commented on लक्ष्मण धामी 'मुसाफिर''s blog post कहते हो बात रोज ही आँखें तरेर कर-लक्ष्मण धामी "मुसाफिर"
"आदरणीय लक्ष्मण भाई , अच्छी ग़ज़ल कही , बड़ी कठिन रदीफ़ चुनी आपने , हार्दिक बधाई आपको "
सदस्य कार्यकारिणीगिरिराज भंडारी commented on लक्ष्मण धामी 'मुसाफिर''s blog post करेगी सुधा मित्र असर धीरे-धीरे -लक्ष्मण धामी "मुसाफिर"
"आदरणीय लक्ष्मण भाई , अच्छी ग़ज़ल हुई है , बधाई स्वीकार करें मक्ता शायद अपनी बात नहीं कह पा रहा…"
सदस्य कार्यकारिणीगिरिराज भंडारी commented on गिरिराज भंडारी's blog post ग़ज़ल - यहाँ अनबन नहीं है ( गिरिराज भंडारी )
"आदरणीय सौरभ भाई , ग़ज़ल पर आपकी उपस्थिति हमेशा प्रेरणा दाई होती है , ग़ज़ल के कुछ शेर आपको अच्छे…"
© 2025 Created by Admin.
Powered by
